روايه انا وجارتي الغامضه والمخي،ـفة كاملة

جارتنا اللي ساكنة في العمارة اللي قصادنا كبيرة في السن وشوفتها بتعمل حاجه غريبة جدا انا اول ما شفتها من شباك بيتنا قلبي فضل يدق جامد وكنت حاسه اني مش قادرة اخد نفسي أنا ياسمين متزوجة من سنتين وجوزي اسمه عماد ولسه ربنا ما رزنقاش بولاد وعايشين في البيت ده ايجار من ساعه ما اتجوزنا
موضوع قلقي من جارتي بدأ لما شوفتها في يوم من شباكها بتجري بسرعة جوة الشقه هي تقريبا فوق السبعين سنة وبتنزل الشارع على عكاز ازاي تجري بالسرعه دي في الشقه انا شوفت المنظر ده وكانت الساعة تقريبا 11 بليل
فضلت باصه عشان تاكد اني مش بتخيل او متهيألي بس طلع حقيقه لاني شوفتها في كذا يوم بعدها برده انا اعرفها واتكلمت معاها اكتر من مرة بس علاقتي معها مش قوية أوي.. بس الموضوع ده موترني جدا

لدرجة اني بقيت اخاڤ اكلمها او أسلم عليها وبحاول اتجنبها في الشارع على قد ما أقدر لما لما حكيت لجوزي قالي بطلي تخاريف وبعدها قالي ايه المشكله الست بتلعب رياضه بطلي تبصي عليها من الشباك وخليكي في حالك.. حاولت اسمع كلامة على قد ما اقدر وأخليني في حالي بس في يوم بصيت من شباكي على شباكها لقيتها كانت قاعدة على الكنبه عادي وبعدها النور قطع في المربع بتاعنا كله
كان معايه الموبايل فمكنتش خاېفه من الضلمه والنور ما بيكملش ساعه وبيرجع تاني.. اللي غايظني اني مش شايفاها ومعرفش هي مولعتش ولا شمعه ولا نور عندها ليه بس المفاجئة كانت اول ما النور جه كانت واقفه على شباكها بتبصلي وعينها عيني انا رجعت لورى بسرعه ووقعت على الارض من الخضة.. كان شكلها بقى لها كتير واقفه وباصه عليا في الضلمة وانا مش واخده بالي
قلبي فضل يدق جامد وبتنفس بقوة وبدأت أترعش منظرها وهي بتبصلي وراسها مش بصالي عينها بس اللي مرفوعة وباصه في عيني.. يارتني سمعت كلام عماد وخلتني في حالي وبطلت ابص عليها كل شوية.. بعدها الجرس رن اطمنت ان جوزي رجع فتحت الباب لقيتها جارتي العجوزة شهقت اول ما شوفتها لقيتها بتضحك وبتقولي ايه شوفتي عفريت !
قولتلها لا بس كنت فاكرة ان جوزي اللي جه فاټخضيت قالتلي ماشي هتسيبني واقفه عالباب كده.. قولتلها لا طبعا اتفضلي.. دخلت قعدت معايه وانا عماله أبص عالساعه مستنية عماد يرجع بسرعه وهي قاعده عماله تحكي في مواضيع فارغة.. شافت الكورسي محطوط جنب الشباك اللي ببصلها منه عشان دايما اقعد عليه واتفرج عليها وعلى الشارع
لقيتها بتقولي طالما بتحبي تتفرجي عالشارع ما تنزلي تقعدي تحت احسن.. اتوترت اكتر وقولتلها عنندك حق هبقى انزل.. ضميري هيموتني عشان عماد نبهني وانا مافيش فايدة فيا برده عايزة اقوم اقفل الشباك الفقر ده واقفل الستارة ومش هبص منه تاني بجد.. بعدها لقيتها بتقولي ممكن ادخل الحمام قولتلها اه طبعا اتفضلي
قامت دخلت الحمام وانا جريت عشان اقفل الشباك بس الغريب اني لما جيت اقفله عيني جت على شقتها لقيتها لسه واقفه على الشباك وبصالي عيني
الجزء الثاني
ساعتها انا صړخت ووقعت على الارض من الخضة ومسكت تلفوني واتصلت بعماد وقفلت الشباك والستارة وهي لسه واقفه بصالي ومش عارفه اعمل ايه ! امال مين اللي عندي في الحمام فضلت قاعدة في الصالة وعماله افكر لحد ما عماد رد عليا وحكيتله اللي حصل بصوت واطي وانا خاېفه قالي انا خلاص تحت البيت
جريت عالمطبخ وجبت سکينة فضلت مسكاها بايدي الاتنين وعيني على الطرقه اللي فيها الحمام لحد ما عماد جه وفتح الباب ودخل لقاني بعيط وماسكة السکينة قالي اهدي انا هتصرف راح للحمام وخبط عالباب وانا باصه عليه من بعيد ومش قادره اخد نفسي فضل يخبط وينده
لحد ما فتح الباب مالقناش حد جوة ! ساعتها عماد بصلي بصة عمري ما هنساها.. قولتله جت وقعدت معايه ودخلت الحمام انا مش بخرف.. قالي اهدي يا ياسمين ممكن يكون حلم وانتي صحيتي مخضوضه بس مش اكتر
قولتله مش حلم انا فتحتلها ودخلت قعدت معايه ساعتها اتعصب وقالي طب هي فين مافيش حاجه انتي بس من كتر مانتي حطاها في دماغك حلمتي بيها مافيش حاجه.. خد من ايدي السکينة وحطها في المطبخ وهو عمال يستغفر ربنا ومضايق جدا وانا فضلت اعيط بعدها جه وحضني وطبطب عليا قالي معلش خلاص مافيش حاجه
بطلي تبصي عليها كل شويه وانسيها.. فضلت سهرانه طول الليل يومها ما عرفتش انام وانا عماله اتخيلها وهي بتبصلي من بلكونتها.. وما نمتش غير الصبح بعد ما عماد نزل بعد ما عملتله فطار ودخلت انام.. صحيت على المغرب تقريبا وانا حاسه اني تعبانه كلمت عماد قولتله هات اكل معاك عشان ماعملتش غدا النهارده قالي ماشي وقفل عشان كان مشغول
وانا فضلت ارتب في الشقه شويه وعيني كل شويه تيجي ناحية الشباك عايزة ابص عليها ! يا ترى لسه واقفه وبصالي ولا كان بيتهيئلي الفضول كان هيموتني وعايزة اكسر الخۏف اللي بقى مليني من جوه.. قربت من الشباك بالراحة ومسكت الستارة وفتحتها سنة عشان أبص منها مالقتهاش واقفه على شباكها قفلت الستارة بسرعه وقعدت على الكنبة وارتحت شويه بعدها دخلت اغسل المواعين
وجهزت هدوم عشان اخد شاور.. واول ما فتحت باب الحمام لقيتها واقفه في وشي بتبرقلي.. ولابسه العباية السوده قفلت باب الحمام بسرعه وصړخت ورميت الهدوم وطلعت اجري عالمطبخ جبت السکينة.. فضلت ادور عالموبايل عشان اتصل بعماد مالقتوش انا ناسياه في الاوضه اللي في وش الحمام وانا مش عايزة اقرب من الحمام وخاېفه فضلت قاعدة في الصاله وماسكة السکينة
فضلت مستنية وانا عماله اعيط ومش قادره اخد نفسي لحد ما عماد جه لقاني قاعدة ماسكة السکينة قالي في ايه يا ياسمين قولتله دخلت الحمام عشان استحمى لقيتها واقفه وبتبصلي.. قالي كفايه جنان بقى ودا كله لسه في الحمام من امبارح ..
يعني دخل بسرعه على الحمام وفتح الباب ونور النور وبعدها جالي مسك السکينة ورماها على الارض وخدني من ايدي ودخلني الحمام قالي هي فين قوليلي هي فين جايز دخلت جوة السيفون وانا مش عارف !
فضلت ساكته وبصيت لعماد وقولتله انا مش مجنونه يا عماد انا شوفتها وقعدت على الارض وفضلت اعيط بعدها عماد طلع واتصل بواحد صاحبه يعرف شيخ قالي بعدها في شيخ هيجي بكره خلاص كده ارتحتي يلا قومي عشان ناكل قولتله مش عايزه اكل حاجه وجريت على اوضتي ونمت على السرير وانا بعيط
بعدها لقيت عماد جايب صنيه فيها الاكل وجه قعد جمبي وقالي يلا عشان انا مېت من الجوع وماكلتش حاجه من ساعة الفطار ومش هاكل من غيرك يلا.. فضلنا ناكل سوى وانا كلت لقمتين وشبعت وعماد كمل بقية الاكل ودخل ينام جمبي
فضلت صاحية ومش جايلي نوم لحد تاني يوم عماد نزل الشغل.. وانا قومت طالعه قاعده عالكرسي جمب الشباك وفضلت باصه بالعند على شباكها وشباكها مقفول.. فضلت كده والنوم كان بيكبس عليا لحد ماقعدت عالكنبه ونمت صحيت على العشا تقريبا.. فاضل ساعه وعماد يرجع
كنت حاسه اني عايز ادخل الحمام فضلت ماسكة نفسي لحد ما عماد يرجع بس ما استملتش خدت السکينة وروحت عالحمام حطيت ايدي عالاكرة بالراحة وفتحت الباب مالقتش حاجه دخلت الحمام وخلصت وطلعت ببص عالصاله لقيتها بتجري في الشقة عندي صړخت ودخلت الحمام تاني وقفلت الباب
وفضلت اعيط انا لو طلعت من هنا مش هرجع الشقه دي تاني انا اتخنقت سامعها عماله تجري في الشقه وتكسر كل حاجه وعماله تدب على الارض جامد فضلت قافله على نفسي في الحمام لحد ما سمعت صوت خطواتها بيقرب من الباب مسكت السکينة جامد وبعدها الصوت اختفى قربت من الباب عشان اسمع كويس سمعت موبايلي بيرن بره كتير فضل يرن وصوت الخطوات اختفى خالص
فضلت مقربه من الباب بحاول اسمع الخطوات بس فعلا الصوت راح وفجأة سمعت صوت خبط على باب الحمام جامد السکينة وقعت من ايدي من الخضه وفضل الخبط على الباب كان حد بيضربه بشاكوش وانا بعدت عن الباب ومسكت السکينه وقومت مقربه من الباب اسنده عشان ما يتفتحش او الترباس يتكسر فضلت سانده الباب لحد مال الصوت اختفى مع صوت فتح باب الشقه سمعت صوت عادل ومعاه حد
لقيت عماد بينده عليا ندهت عليه من الحمام قالي مش بتردي عليا ليه قولتله كانت بتجري في الصاله وكانت هتكسر عليا باب الحمام قالي خلاص اطلعي انا معايه الشيخ اطلعي.. فتحت الباب بالراحه عشان اتاكد انه عماد طلع عماد فعلا خدني ودخلت اوضتي ولبست الحجاب وطلعت معاه لقيت الشيخ واقف في الشقه وعمال يستغفر ربنا
بعدها طلب مية من عماد جابهاله وفضل يقرا عليها وبدأ يرش في كل اركان الشقه بعدها قالي في جن هنا انتي فضلتي وراه لحد ما جالك ومكنش هيعرف يخش لولا انك فتحتيله لما خبط عليكي الباب ودخل بعدها الشيخ فتح باب الشقه وفضل يرش.. ويقرا حاجات بصوت واطي..وبعدها بص من الشباك عالشقه اللي قدامنا ماكنتش واقفه ساعتها قالنا انا هروح للست المسكينة دي اكيد عندها مشكله مع الجن ده ومش عارفه تحلها
وقالي خلاص كده ما تقلقيش الجن اللي جالك هنا مش مؤذي بس انتي اللي شديتيه انه يجيلك لما فضلت تبصي عليه كل شوية.. وهو دلوقتي مشي خلاص..بعدها نزل الشيخ مع عماد وقالي ماتخافيش هو كده طلع بره البيت..
فضلت باصه عليهم من الشباك وهما بيعدو الشارع وبيكلموا البواب بتاع العمارة اللي هي فيها.. وبعدها عماد سلم على الشيخ والشيخ مشي وعماد طلع البيت وهو مستغرب وقالي حاجه غريبه.. قولتله ايه اللي غريب قالي لما سالنا البواب على الست العجوزة اللي في الدور الرابع قالنا انها ماټت من شهر ومافيش حد في شقتها
تمت.. النهاية