صديق جوزى الغير محترم

مفيش غير راجل كبير كان معاه مراته بص في عيني كأنه حس بيا وحس إني مش عارفة أنطق من شدة البكا والزعر اللي كنت فيه وقال له طب معلش يابني سيبها بس تقعد

عندنا لو ساعة بس تهدي وتغير المكان وترجع تاني، احمد رد وقال لأ مينفعش تروح عندكم وش الفجر كدا هي دلوقتى هتهدى لوحدها

ولسه خلاص الراجل هيمشي مراته قامت داخله البيت من غير أستأذن وخدتني بالحضن وفي اللحظة دي انا مكنتش عارفة أنطق بس كل الي عملته إني مسكت

إيديها وعيني بتقول لها ماتسبينيش ومارضتش أسيبها ولا أسيب أيدها قامت شدتني من إيدي وقالت لي والله ماهطلع من هنا من غيرك وفعلًا أصرت إنها تخدني وبعد شد وجذب خدتني معاها

وبالفعل روحت معاهم وبعد ساعة من الهدوء أبتديت أستقر وأعرف أتكلم مع الراجل ومراته وبصراحة ماحكيتش معاهم في حاجة بس شكرتهم وطلبت منهم

يروحوني البيت وبالفعل نزلو بيا ووصلوني لحد باب بيتي وبعد ماروحت وقعدت على سريري سرحت وقولت في نفسي الراجل دا كان ممكن يعمل حاجة معايا لو المخطط كان مشي زي ماهو عاوز وماكنتش هحس بحاجة

وكنت أنا نفسي اللي هدفع تمن طيبة جوزي وثقته الذيادة في الناس وهو السبب في اللى حصل واللي كان هيحصل لولا ستر الله لكن انا اتعلمت درس عمري ماهنساه وأكتشفت إن فيه أشخاص ماينفعش يكونو في حياتنا من الأساس بالزات الناس اللي بتستغل الطيبة اللي فينا وبتستغل ثقة اللى حوليهم فيهم

أحمد دا أختفى من حياتنا فجاة كدا من غير مقدمات من ساعة الواقعة علشان مايتفضحش وعشان مالقاش سبيل للوصول ليا وغير رقمه وقال لجوزى إنه سافر

هل ياسمين كانت سلبية علشان محكيتش لجوزها
والا هل ياسمين عملت كدا علشان ماتفتحش على جوزها باب مشاكل
وهل إقحام الأزواج لأصدقائهم في حياتهم شئ ممكن يقدم نفع شئ من النفع ؟
حط رأيك، رأيكم يهمنا أكيد؟