رواية امى وجارتنا بقلم هويدا زغلول
حاجه غير مكان ابات فيه
الأم...
ومصاريف أكلك وشربك هنجيبها من فين المعاش بيكفيني لوحدي ولو في حاجه بتفيض انا بشيلها للزمن...
مروة...
مش عايزه منك حاجه وانا كلها يومين وهنزل اشتغل..
الأم..
اخبارك يا جامع على الاقل الوقت اللي تنزلي فيه اكون على راحتي يا ساتر يا رب هم ونزاح..
زينب....بغمزة
طيب انا همشي دلوقتي وهبقى اكلمك بعدين يا مروه ويا ريت ربنا يهديكم وكفايه خناق....
الحما....
مالك يا يحيي مش على بعضك ليه..
يحيي...
ما فيش حاجه يا ماما بس من بعد ما مشيت مروه حياتي بقيت متلخبطه
الحما...
ما انا قلتلك تتجوز نشوى رسمي
يحيي...
هو انا كنت متجوزه صوري عشان اتجوزها رسمي يا ماما..
الحما...
اقصد يعني التمثيليه اللي عملناها على مراتك نقلبها جد والبنت بتحبك وعينها منك من زمان بس انت اللي زي القرع بتمد لبره
لا يا ماما نشوى لو اخر بنت في الدنيا انا مش هتجوزها انتي ناسية أنها بنت متدلعة...
الحما...
يكونش تفكر عايز ترجع مراتك تاني بعد ما سابت البيت من غير اذنك ومشيت
يحيي....
مروه مش اول واحده تعمل كده ولا اخر واحده تعمل كده كمان انا بصراحه زودتها ما كانش ينفع الشك بتاع يوصل فيها
فلاش باااااك...
في اي يا يحيي انت داخل تتسحب زي الحرامية كدة ليه ..
يحيي...
انا سامع صوت راجل هنا مين معاكي...
مروة...
انت شكلك اتجنيت او شكلك شارب حاجه فوق يا يحيى انا مروه مراتك مش واحده شاقطها من الشارع..
يحيي...
انا فايق وعارف انا بقول ايه انا سامع
صوت ضحك وهزار وصوت راجل في البيت..
مروة...
ده صوت التليفزيون يا غبي....ولما أنا سمعت صوتك وانت داخل تتسحب زي الحرامية وطيت الصوت..
وطيتي الصوت ولا قلتيله يستخبي
مروة...
انا زهقت منك ومن شكك ده.. في الشقه قدامك كلها فتش لو لقيت فيها حتى برص ابقى قول اللي انت عايز تقوله.... فجأة مروه بتعلي صوت التلفزيون
مروة...
اتفضل مش هو ده صوت اللي سمعته.. مش ده صوت الراجل اللي بتقولي عندك راجل في البيت..
يحيي بتوتر...
يا حبيبتي انا كنت بهزر معاكي وبعدين انت عارفه الغيره بتاعتي معقول يعني اشك فيك.... مش ده محمود ياسين ايوه عارفه حلو فعلا الفيلم ده احنا هنسمعه مع بعض...
صدقتك انا كده صح اسمعي لوحدك انا داخلة انام بس اعمل حسابك ان الوضع ده انا مش هسمح ولا هقبل بيه...
يحيي...
يعني ايه مش هتقبلي بيه انت مش عارفه انا ده طبعي من الأول وكنتي فرحانة بالغيرة بتاعتي...
مروة...
ما كنتش اعرف انها شك وانا هتحول حياتنا الچحيم انا بقيت اخاڤ تليفوني يرن من اي حد من اهلي ولا من اصحابي او حتى من ماما لا تشك اني بكلم حد..
وانت يعني لازم تكلمي اهلك ما يجوا يزوروكي..
مروة...
نهارك اسود يا يحيي... هي لحقت للدرجه دي كمان بصراحة انت زودتها قوي وانا من بكره هسيب البيت..
يحيي...
قولي كده من الاول انا كنت شاكك انك شايفالك شوفه.... بس انا اللي كنت بحاول اضحك على نفسي...
مروة...
عمرك ما هتتغير عمرك ما هتتغير يا يحيى وانا غلطانه اني كل مره بعدي واقول بكره هيتغير بكره هيتغير بس انت زي ديل الكلب في عمره ما هيتعدل..
باااااك
يحيي...
مروه معاها حق تسيب البيت وتمشي وانا ما حاولتش اغير من نفسي..
الحما...
شايفاك بتلمح لحاجه انت عايز ترجع مراتك يا يحيى
يحيي...
ايوه يا ماما... انا لازم ارجعها بس الاول اوعدها اني هتغير...
عند عماد بيتصل علي مروة..
مروة...
ايوه يا عماد صباح الخير انا كنت لسه هكلمك
عماد....
صباح الخير يا مروه انا لقيت حل نخرج امك بيه من البيت...
مروة...
الحقني بي انا خلاص الشك هياكلني..
عماد....
بصي يا ستي انا
