رواية شروق ومصطفى جميع الفصول كاملة

هتشوفي انسان جديد مفيش اي حد بيحركه 
قعدت والدت مصطفى وجنبها بناتها الاتنين وهما حطين ايدهم علي خدهم وعملين يبكوا علي الا حصلهم
نزلت شروق مع جوزها ودخلوا وشافوا منظرهم 
شروق بقوة انا رايحه لأهل جوزك دلوقتي يا فاطمه عشان اظهر برائتك قدامهم
وقفت فاطمه وضمتها بسعاده
فاطمه ربنا يخليكي لينا يا مرات اخويا وجميلك دا هيفضل في رقبتي العمر كله

بصت شروق لحماتها
حماتها متشكره اوي يا شروق ان انتي هترفعي راس بنتي قدام اهل جوزها
شروق وكلمة متشكره دي تساوي عندي كتير اوي ياماما..عارفه لو كنتي بتقوليلي الكلمة دي في كل مرة تعبت فيها عندك هنا
وانا طالع عيني..الكلمة دي كانت هتفرحني وتنسيني اي تعب..بس للأسف انتي عمرك ما حسيتي ان الا انا بعمله معاكي دا يستاهل الشكر وكنتي فاكره انه من حقك عليا..وفي الحقيقه ان دا حقك علي بناتك انهم الا يخدموكي مش انا..وانا كنت بعمل معاكي كدا عشان خاطر ربنا وجوزي لكن في الحقيقه دا شئ مش فرض ولا واجب عليا
حماتها عندك حق يا شروق وياريت تسامحيني
شروق صعب ان اسامحك وخصوصا ان دمي انا والا كان في بطني غرق شقتك هنا وانتي مرحمتنيش..بس ربنا بيسامح ويمكن يجي يوم واقدر اسامحك فيه
وراحت شروق هي ومصطفى لحمات فاطمه وجوزها وأكدت لهم ان اللبس الا عند فاطمه دا بتاعها هي واتكلم مصطفى مع جوز اخته ورجعوا فاطمه بيتها بعد ما حماتها لقت الفلوس وعرفت انها كانت ظالمه فاطمه فعلا
بقلمملك إبراهيم
بعد كام يوم في شقة والدت مصطفى
والدت مصطفى هي ايه الحكايه يا مصطفى هي مراتك هتصدق نفسها ومش هتنزلي هنا تاني بجد ولا ايه
مصطفى تااااااني يا امي..انتي عايزه منها ايه بالظبط
والدته انا يا بني مابقتش اقدر اعمل حاجه ومحتجاها تساعدني 
مصطفى معلش يا امي كلمي فاطمه وزينب كل واحده فيهم تيجي ساعه واحده كل يوم تشوف طلباتك وانا كمان معاكي لو احتاجتي اي حاجه
والدته يعني مراتك تبقى موجوده واخواتك الا يجو يخدموني
مصطفى دا حقك عليهم يا امي زي مانتي خدمتيهم وهما صغيرين
والدته بقى كدا يا مصطفى تعمل في امك كدا
مصطفى يا امي انتي مسئوله مني انا واخواتي وعلينا خدمتك وعشان خاطري طلعي مراتي من دماغك لان انا مش هطلب منها تعملك اي حاجه بعد كدا وكفايه كل الا حصل
والدته ماشي يا مصطفى وعموما انا الحمدلله لسه بصحتي واقدر اخدم نفسي وربنا مايحوجني ليكم
مصطفى برحتك يا امي بس انا مش هغصب مراتي تاني علي اي حاجه بعد كدا
بعد شهرين عند الدكتوره
الدكتورة مبروك يا مدام شروق انتي حامل
مصطفى بسعاده بجد يا دكتوره
الدكتورة بابتسامه طبعا بجد الف مبروك 
مصطفى الحمدلله الف مبروك ياحبيبتي
شروق بسعاده الحمدلله..طمنيني يادكتورة مفيش اي خطړ علي الحمل
الدكتورة احنا طبعا لازم ناخد كل احتياطتنا في الراحه عشان مايحصلش لقدر الله الا حصل في الحمل الا قبل كدا
مصطفى طبعا يا دكتورة كل الا حضرتك هتقوليه هيتنفذ
الدكتورة تمام اوي وانا هقولكم كل التعليمات الا هتمشوا عليها طول فترة الحمل
بقلم ملك إبراهيم
وعدت الايام وكمل حمل شروق المرة دي علي خير وكل يوم مصطفى كان بيثبت لشروق انه فعلا اتغير وكان بيعاملها بكل حب وحنان وطلباتها كلها كانت مجابه وفي يوم والدت مصطفى تعبت جامد وراحت المستشفى والدكتور طلب انها تفضل في المستشفى كام يوم 
لان حالتها كانت صعبه ورحتلها شروق المستشفى رغم انها كانت في اخر ايام حملها وكانت تعبانه بس اصرت انها تروحلها وتكون جنب جوزها وخصوصا بعد ما عرفت ان اخواته البنات راحوا بصوا علي امهم زي اي حد غريب وروحوا بيوتهم ومارحوش تاني وكانوا بيطمنوا بالتليفون بس واعتذروا من اخوهم وقالوا ان ظروفهم مش سامحه انهم يفضلوا في المستشفى مع امهم ويسيبوا عيالهم واجوازهم 
فتحت والدت مصطفى عنيها ولقت شروق هي الا قاعده جنبها
والدت مصطفى بتعب شرووق انتي هنا
شروق ايوا يا ماما انا معاكي اهه محتاجه حاجه
حماتها اومال زينب وفاطمه فين
شروق بتوتر كانوا هنا بس راحوا يطمنوا علي عيالهم وهيجوا تاني
حماتها يعني بناتي مشيوا وسابوني وانتي الا فضلتي جنبي يا شروق..جميلك دا عمري ما هنساه ابدا
شروق مش جميل
ولا حاجه يا ماما..دي الاصول
حماتها پبكاء وانتي طول عمرك كنتي بتعملي بأصلك معايا وانا الا كنت ظالمه..وندمت وبدعي ربنا يسامحني ونفسي انتي كمان تسامحيني لان حسه اني ھموت وخاېفه اموت وانا شايله ذنبك وربنا يحاسبني علي كل الا عملته فيكي
شروق ماتقوليش كدا يا ماما ربنا يخليكي لينا وصدقيني انا مسمحاكي
حماتها ربنا يريح قلبك يا بنتي زي ماريحتي قلبي
دخل مصطفى غرفة والدته وسمع كلام شروق معاها وكان فرحان بمراته جدا وعرف قيمتها بجد وفضل هو كمان يدعي ان ربنا يسامحه علي كل الا عمله في حقها 
بقلمملك إبراهيم
وبعد ايام ربنا كرم شروق ورضاها ببنت زي القمر ومصطفى اصر ان بنته يبقى اسمها شروق علي اسم مراته وحبيبته شروق وكملت حياتهم بالسعاده والود والرحمه
وانتهت حكاية شروق ومصطفى بسعاده بعد ما عرف غلطه واتغير وبقى راجل بمعنى الكلمة وكلمته من دماغه وعرف قيمة مراته وبقى يقدرها ويحترمها قدام الكل 
الهدف من حكاية مصطفى وشروق
ان كل زوج لازم يعرف ان برك لامك وحبك لزوجتك ملهمش علاقة ببعض مينفعش انك عشان تبر امك وترضيها فتروح تظلم زوجتك.
خليك متاكد ان الحب بيتخلق مع كل لحظة حنيه منك مع كل كلمة تقدير واحترام تقولها في حق مراتك قدامها ومن وراها.
زوجة ابنك هي سر سعادته لما تسعديها وتعامليها بما يرضي الله هتسعد ابنك وهتخليه اسعد انسان في الدنيا دا لو سعادت ابنك فرقه معاكي حقيقي.
كل بنت لازم في اول حياتها الزوجيه ومع اول غلطه تقف واقفه قويه وماتتنزلش عن حقها وماتسمحش لأي مخلوق انه يهين كرامتها ويجي عليها ولاااازم تشوف نفسها غاليه جدا عشان الكل يشوف كدا واياكي تقللي من نفسك قدام اي حد او عشان اي حد.
انتهت الحكاية الثانيه من ابن امه