زوج زهق من المشاكل 20 سنة جواز .. وفى الاخر اخد قراره
انت في الصفحة 2 من صفحتين
فى اليوم ده
بعدها بيومين.. وهو شايلها للغرفة التانية
ولأول مرة.. مايبقاش متضايق او عايز الوقت يعدى
عدوا كمان 10 ايام..
لقى نفسه بيرفع سماعة التليفون..
الو.. انا اسف مش هينفع نتقابل تانى..
انا لازم اكون موجود فى البيت كل يوم..
اليوم اللى بعدها..
اخد اجازة لأنه كان نفسه يقضى يوم فى البيت
جه جواب بإسم مراته..
دفعه الفضول انه يفتحه..
اتصل بالمستشفى.. وكانت المفاجأة
يا فندم.. زوجة حضرتك المفروض ترد علينا..
هتعمل عملية استئصال الورم ولا لأ
الدكتور المعالج قدامه يومين ويسافر
وفرصة نجاح العملية لو حد غيره هو اللى عملها ضئيلة جدا
كان بيسمع الكلام ده.. وشريط بيمر قدام عينيه
يومين ويسافر .. هم اليومين اللى فاضلين فى المهلة
دا كان مخدر عشان تقدر تتعايش مع الالم
رد عليهم وقال لهم.. انا بأكد الحجز.. وقفل معاهم
وقام يجرى على مراته.. ودموعه بتجرى قبله
حست بيه وصحيت
قامت من نومها مخضۏضة عليه.. مالك.. فيه ايه
قال لها..
خبيتى عليا ليه انك عيانة..
ازاى تختارى انك تعيشى الشهر المهلة بالطريقة دى..
بدل ما تختارى انك تتعالجى
ايه فايدة انى اخف.. وافضل عايشة لوحدى
انت اصلك كنت واحشنى جدا
الشهر اللى عشته معاك.. كان احسن مكافأة نهاية خدمة ليا
قال لها..
وحياة كل شعرة بيضا..
طلعت فى راسك جوا بيتى..
وحياة ولادى اللى ماحسيتش عمرى بتعب فى تربيتهم..
عشان كنت سايبهم لك..
وحياة سنين عمرك وشبابك اللى راحوا..
وانتى ساكتة وعايشة عشان خاطر البيت والولاد..
ربنا يمد فى عمرى.. بس عشان اعوضك اللى اخدته منك
خرجوا جرى ع المستشفى..
خلصوا التحاليل والأشعات المطلوبة
والعملية اتعملت ونجحت..
بس النجاح الأكبر..
كان فى حياتهم اللى ابتدت بعد العملية..
