رواية جديده بقلم الكاتبة روني محمد قصه جديدة كاملة

حياة!! 
حاتم تعالى بس نعد فالكافيه وانتي هتفهمي كل حاجه... 
سلمى اضطرت انها تروح معاه ولما قعدت قالتله 
ها قول بقى في ايه 
حاتم بكذب عاصم يا سلمى رجع تاني.. 
سلمى لا يا شيخ خفت أنا كده بقولك ايه روح لأخوك وقوله خلاص شطبنا مبقاش حيلتنا حاجة... 
حاتم كان بيمثل انه خاېف عليها وانه مختلف عن عاصم فقال 

اسمعيني يا سلمى للأخر انا غير عاصم أخويا انا عمري ما فكرت أذيكي ولو عالفلوس الي أخدتها منك زمان فإنا ربنا كرمني وهرجعهالك وفقيها ... 
سلمى ماشي هات الفلوس انا مبقبلش فوايد... 
حاتم ضحك و قال يخربيتك لسه زي مانتي كل حاجة تحبي تألشي عليها.... 
سلمى المهم دلوقتي الزفت الي اسمه عاصم عاوز ايه مش كفاية الي عمله فيها زمان ... عاوز ايه تاني 
حاتم بصي يا سلمى انا بقالي فترة كبيرة مقاطع عاصم من ساعة الي عمله في حياة ومكنتش بكلمه ورحت فتحت شركة صغيرة والحمد لله بقيت بكسب بالحلال أما عاصم مكنش ليه علاقة بيه خالص لغاية لما جالي من يومين ولقيته بيقولي انه عاوز يرجع لحياة.... 
حاتم مش هو الي سجنها ده واحد من الديانة الي كانوا عاوزين فلوس من عاصم... 
سلمى هو ولا مش هو مش فارقة دي اتسجنت يا حبة عيني سنه بحالها بسببه ولولا أهل الخير دفعولها الفلوس و طلعوها ولما طلعت لقيت ڤضيحة سوده مستنياها... لما لقينا اشاعة طالعة على حياة انها كانت ماشية معاه في الحړام وغدر بيها... واتجوز واحدة تانية.... 
سلمى هات من الآخر عاوز ايه 
حاتم عاوز نرجع لبعض انا وانتي وحياة وعاصم.. 
سلمى طب ايه رأيك بقى ان حياة اتجوزت... 
حاتم مثل قدام سلمى انه اتفاجئ وقال 
أتجوزت ازاي وهي بتحب عاصم!! 
سلمى اتجوزت واحد ابن ناس وراجل مش زي عاصم الي عايش على قفا النسوان... وهي بتحب جوزها وجوزها كمان بيحبها... 
حاتم دي حياة كانت الأمل الوحيد لعاصم عشان يرجع انسان كويس ...
سلمى بص يرجع ولا ميرجعش ميخصناش المهم انت هتديني فلوسي أمتى 
سلمى ردت عليه وحاولت تبرر وقالت 
لأ طبعا ده بيحبها وبيموت فيها كمان بس هو بېخاف عليها أوي عشان كده مش بيسبها تخرج لوحدها... 
حاتم عاصم تاب يا سلمى عن كل الي عمله زمان وجه الوقت اننا لازم كلنا نقف جنبه عشان يكفر عن الي عمله.... 
حاتم حاول كتير يقنعها الا انها مصممة فقرر انه يخترع اي كڈبة تخليها توافق فقال 
سلمى في حاجة أخيرة لازم تعرفيها عاصم عنده سړطان فالدم وفي المرحلة الأخيرة كمان يعني ايامه معانا
سلمى اتأثرت بالكلام الي قاله حاتم وقالت 
طيب أنا هكلمها وأقولها بس معرفش بقى هتوافق ولا لأ لو وافقت هقولك ...
حاتم ماشي وانا هستنى تليفونك!!! 
سلمى وفلوسي بقى هتجبها أمتى مش قولتلي انك خلاص توبت... 
حاتم

بغيظ ماشي يا سلمى يومين تلاته بالكتير وأجبهملك لو خليتي حياة تقابل عاصم... 
سلمى طيب سلام بقى أنا لازم أمشي... 
حاتم هز دماغه وابتسم ابتسامة صفرا وهو مش طايقها وقال 
خلي بالك من نفسك يا حبيبتي... 
سلمى حبك برص متقوليش حبيبتي دي تاني... 
بعد ما سلمى مشيت قال لنفسه 
أنا مش عارف ايه الي صبرني عالقعدة مع البلوة دي ... لا وانا الي كنت خاطبها قال... ده ربنا نجدني منك يا شيخة.... 
بعد ما سلمى طلعت من الكافيه كلمت حياة وحكتلها على كل الحوار الي دار بنها وبين حاتم وسألتها اذا كان هتوافق تقابل عاصم ولا لأ ... بس حياة قالتلها انها وافقت تقابله... 
تفتكروا عاصم ناوي لحياة على ايه 
ولما مراد يعرف علاقة حياة بعاصم هيكون مصير جوازهم ايه 
عاصم المرة دي بيخطط للعبة جديدة وللأسف حياة هتقع فالفخ انتظروني فالحلقة القادمة 
روني محمد
انا زعلانه منكم بجد التفاعل قل ليه 
حكاية حياة ومراد
الجزء الخامس 
روني محمد..
لا اله إلا انت سبحانك إني كنت من الظالمين 
سلمى بعد ما كلمت حياة وعرفتها ان عاصم خلاص ھيموت وندمان علي الي فات وعاوزها تسامحه.. حياة عيطت وقالت 
_ شوفتي اهو قلبي كان حاسس عاصم مظلوم وكان محتاجني جانبه... 
سلمى بت يا حياة متتغابيش وتضيعي نفسك عاصم ملهوش أمان ياختي احنا لسه متأكدناش دي ممكن تكون لعبه من ألاعيبة ...
حياة لأ يا سلمى انا بقالي فترة بالي مشغول وبفكر فيه عاصم الي عمله زمان كان ڠصب عنه لما الديون ذادت